Rusarminfo Российско-Армянское информационное агентство
«Սարատով» հեռուստաալիքը ռեպորտաժ է պատրաստել քիքբոքսի աշխարհի կրկնակի չեմպիոն, Սարատովի բնակիչ Վրեժ Պետրոսյանի մասին:
Ռեպորտաժում նշվում է, որ վերջին մրցումներից հետո, երբ Պետրոսյանը դարձել է աշխարհի չեմպիոն, նա շարունակել է մարզչական գործունեությունը:
Ռուսաստանցի հայ մարզիկը ասել է, որ իր համար միշտ հաճելի է, երբ երեխաները, որոնց նա մարզում է, մասնակցում են տարբեր մրցումների:
«Հաճելի է, երբ քեզ ասում են, որ դու ոչ միայն լավ մարզիկ ես, այլև լավ մարզիչ։ Ես ցանկանում եմ լինել և լավ մարզիչ, և լավ մարզիկ։Սաներիս հաղթանակը շատ հաճելի է, քանի որ այդ հաղթանակի մեջ և ես, և երեխան հոգի ենք ներդրել»,-ասել է Պետրոսյանը։
Մանուկներին Պետրոսյանը մարզում է հանդերձանքով, որի ուսերին ասեղնագործված են Ռուսաստանի և Հայաստանի դրոշները: Նրա սաները նույնպես մարզվում են երկու երկրների դրոշներով դաջված մարզաշապիկներով։
Երեխաների հետ պարապելուց հետո Պետրոսյանը իր մարզումների համար մեկնում է օլիմպիական հերթափոխի կենտրոնական մարզական դպրոց։ Մարզիկը դեռ մտադիր չէ ավարտել կարիերան, նա հայտարարել է, որ դեռ միջազգային մրցաշարերում անելիք ունի։
Ավելի վաղ ՌՈՒՍԱՐՄԻՆՖՈ-ն հայտնել էր, որ Վրեժ Պետրոսյանը դարձել է քիքբոքսինգի աշխարհի չեմպիոն:
