Rusarminfo Российско-Армянское информационное агентство
ՌԴ պետդումայի պատգամավոր, Լիբերալ-դեմոկրատական կուսակցության առաջնորդ Վլադիմիր Ժիրինովսկին արտահայտվել է Թուրքիայի վարած քաղաքականության մասին։
Ժիրինովսկու խոսքով՝ ինքը 50 տարի զբաղվում է Թուրքիայով և լավ գիտի. «Թուրքերը մշտապես բոլորին դավաճանում են, վարում են տիպիկ թուրքական ազգայնամոլ քաղաքականություն։
«Բոլորի հետ կռվում են, բոլորի հետ վիճում են, ու ամենուր ապականում են։ Եվ Լիբիայում, և Ղրիմում, և Ղարաբաղում, և Ադրբեջանում։ Հիմա էլ իրենց անօդաչու սարքերն են մատակարարում, որոնցից կրակում են Ռուսաստանի քաղաքացիներին Դոնբասում»,-ասել է Ժիրինովսկին։
Քաղաքական գործիչը հայտարարել է, որ իրավիճակը գնալով վատանալու է : Սակայն նա հույս է հայտնել, որ Ռուսաստանը կկարողանա կանգնեցնել Թուրքիային։
Ավելի վաղ ՌՈՒՍԱՐՄԻՆՖՈ-ն հայտնել էր, որ Վլադիմիր Ժիրինովսկին «Կիրակի երեկոյան» հաղորդման ժամանակ հայտարարել էր, որ եթե ցարական կոշտ ռեժիմ լիներ, հայերը կստանային և Արարատը, և Կարսը։
