Rusarminfo Российско-Армянское информационное агентство
Վրաստանի Ֆինանսների նախարարության եկամուտների ծառայությունը տեղեկացնում է, որ Թբիլիսիի օդանավակայանում ձերբակալել են Հայաստանի երկու քաղաքացու, որոնց մոտ մաքսանենգ ոսկեղեն է հայտնաբերվել:
Ուղեբեռի զննման ժամանակ մաքսավորները մոտ 11.745 դոլարի չհայտարարագրված ոսկի են հայտնաբերել:
Ոսկե զարդերի քաշը կազմել է 322,5 գրամ։ Քաղաքացիներից մեկին տուգանել են, երկրորդի գործը փոխանցվել Է Վրաստանի ֆինանսների նախարարության քննչական ծառայությանը։
Ավելի վաղ ՌՈՒՍԱՐՄԻՆՖՈ- ն հայտնել էր, որ Վրաստանի ֆինանսների նախարարության եկամուտների ծառայությունը հայտնել է, որ Հայաստանի քաղաքացին փորձել է անօրինական ճանապարհով ոսկի ներկրել երկիր:
