Rusarminfo Российско-Армянское информационное агентство
ՀՀ ոստիկանության պետի տեղակալ Արա Ֆիդանյանը հայտարարել է, որ ՀՀ ոստիկանությունը շարունակում է ապահովել քաղաքացիների անվտանգությունը Գորիս-Կապան ճանապարհին:
Ֆիդանյանը նշել է, որ եղանակային պայմաններից ելնելով վերջին շրջանում անհրաժեշտություն է առաջացել Հայաստանի քաղաքացիներին ուղեկցել այդ մայրուղու վրա։ Անվտանգ երթևեկությունն ապահովվում է նաև Տաթևի ճանապարհին։
Ըստ փոխոստիկանապետի, Գորիս-Կապան մայրուղու` Ադրբեջանի վերահսկողության տակ գտնվող ճանապարհահատվածում պետք է գործեն միջազգային նորմերին համապատասխանող կանոններ: Նրա խոսքով՝ այդ հատվածում տեղի ունեցած ավտովթարներով և արտակարգ պատահարներով, ըստ պայմանավորվածության, պետք է զբաղվեն հայ իրավապահները:
Ֆիդանյանի խոսքով՝ նման միջադեպեր եղել են, և հայկական ոստիկանությունը համապատասխան միջոցառումներ է իրականացրել։
Ավելի վաղ ՌՈՒՍԱՐՄԻՆՖՈ-ն հայտնել էր, որ Իրանում Հայաստանի դեսպան Արտաշես Թումանյանը ԻԻՀ ճանապարհների և քաղաքաշինության նախարար Ռոստամ Ղասեմիի հետ քննարկել Է Գորիս-Կապան այլընտրանքային մայրուղու կառուցմանը վերաբերող հարցեր:
