Գյումրին նոր քաղաքապետ ունի

Հայաստանի երկրորդ քաղաքի՝ Գյումրիի ավագանին նոր քաղաքապետ է ընտրել:

Ձայների 24 կողմ, 8 դեմ հարաբերակցությամբ այդ պաշտոնում ընտրվել «Բալասանյան» դաշինքի ներկայացուցիչ Վարդգես Սամսոնյանը:

Նոր քաղաքապետն ընտրվել է «Բալասանյան» և «Քաղաքացիական պայմանագիր» խմբակցությունների պայմանավորվածության արդյունքում։ Քաղաքապետի տեղակալներ կդառնան «ՔՊ»-ի ներկայացուցիչները։

Հոկտեմբերի 17-ին կայացած ընտրություններում Գյումրիի նախկին քաղաքապետ Սամվել Բալասանյանի դաշինքը հավաքել էր ձայների 36,59 տոկոսը, «Քաղաքացիական պայմանագիր» կուսակցությունը՝ 29,56 տոկոսը: Ավագանի են անցել նաև «Զարթոնք», «Ապրելու երկիր» և Հայաստանի Հանրապետական կուսակցությունները:

Ավելի վաղ ՌՈՒՍԱՐՄԻՆՖՈ-ն հայտնել էր, որ Հայաստանում տեղի են ունեցել տեղական ինքնակառավարման մարմինների ընտրություններ: