Ազգային Ժողովում Քաղաքացիական պայմանագիր խմբակցության անդամ Վահագն Ալեքսանյանը, մեկնաբանել է Գորիսում տեղի ունեցած ՏԻՄ ընտրություններում Հայաստան դաշինքի թեկնածուի հաղթանակը:
«Այո՛, գորիսեցին գիտի ում է ընտրել: Առուշ Առուշանյանի հայրը Գորիսում գնացել և թակել է դռներն ու ասել, որ սա քաղաքականության հետ կապ չունի: Էական չի ում կողմնակիցն եք, ընտրեք Առուշ Առուշանյանին, որ նա ազատ արձակվի»,- իր ելույթում ասել է Վահագն Ալեքսանյանը:
Պատգամավորն ասել է նաև, որ Հայաստան դաշինքի անդամները ընտրություններում գրանցած այդ արդյունքը փորձում են կապիտալացնել որպես Ռոբերտ Քոչարյանի քաղաքական դիվիդենտ:
«Այս մարդու (Ռոբերտ Քոչարյանի-խմբ.) նկարը որտեղ որ տանեք դնենք, նույնիսկ եթե Ռեալ Մադրիդի շապիկի վրա դնեք, այդ թիմն էլ ոչ մի խաղ չի հաղթի, ուր մնաց թե ընտրություն հաղթեք»,- ասել է Ալեքսանյանը, ցուցադրելով Քոչարյանի նկարը:
Ելույթը եզրափակելիս ՔՊ խմբակցության անդամը կարծիք է հայտնել, որ Ռոբերտ Քոչարյանի թիմը երեբևէ չի կարող հաղթել Հայաստանի Հանրապետությունում տեղի ունեցող որևէ ընտրությունում:
Ավելի վաղ ՌՈՒՍԱՐՄԻՆՖՈ-ն հայտնել էր, որ ընդդիմությունը մերժել է վարչապետի` փակ հանդիպման վերաբերյալ առաջարկը։