Rusarminfo Российско-Армянское информационное агентство
Հոկտեմբերի 27-ին տեղի ունեցած Հյուսիսամերիկյան ՄԼՍ-ի առաջնության 32-րդ տուրի «Կոլամբուս Քրյու»-«Օռլանդո Սիթի» խաղում գերազանց հանդիպում է անցկացրել Հայաստանի ազգային հավաքականի և «Կոլամբուս Քրյուի» արգենտինահայ հարձակվող Լուկաս Սելարայանը:
Ֆուտբոլիստը խաղի 20-րդ և 31-րդ րոպեներին երկու գոլային փոխանցում է արել: Իսկ 61-րդ րոպեին նա նաև գոլի հեղինակ է դարձել, հեռահար հարվածով գրավելով մրցակցի դարպասը:
«Կոլամբուս Քրյու»-ն հաղթել է 3:2 հաշվով, իսկ Սելարայանը ճանաչվել է հանդիպման լավագույն ֆուտբոլիստ:
Հաղթանակից հետո Լուկասի թիմը վաստակել է 41 միավոր և ընդհանուր մրցաշարային աղյուսակում 27 թիմերի մեջ զբաղեցնում է 19-րդ հորիզոնականը:
Ավելի վաղ ՌՈՒՍԱՐՄԻՆՖՈ-ն հայտնել էր, որ Հայաստանի հավաքականի հարձակվող Լուկաս Սելարայանը Նեշվիլ-Կոլամբուս խաղում դարձել է գոլի հեղինակ և ճանաչվել հանդիպման լավագույն խաղացող:
