Կառավարության նիստի սկզբում ՀՀ վարչապետ Նիկոլ Փաշինյանը, անդրադառնալով կորոնավիրուսի հետևանքով ստեղծված իրավիճակին, խոսել է այն քայլերի մասին, որոնք պետք է կիրառել իրավիճակը վերահսկողության տակ վերցնելու համար:
«Մեր Ռազմավարությունը հետևյալն է՝ մենք կարծում ենք, որ չպետք է գնանք լոքդաունի և պետք է աշխատենք երկու այլ ուղղությամբ: Առաջին. դիմակների կրման կանոների խստացում՝ ընդհուպ մինչև բաց տարածքներում: Այս առումով հնարավոր է՝ կառավարությունը նոր որոշումներ ընդունի»,- ասել է Նիկոլ Փաշինյանը:
Վարչապետը նշել է, որ հաջորդ կարևոր ուղղությունը պատվաստումն է և պետք է ձեռնարկել բոլոր քայլերը պատվաստումների քանակն ընդլայնելու ուղղությամբ:
«Մեր միջազգային գործընկերների նվիրատվությունների շնորհիվ մենք ունենք անհրաժեշտ քանակի պատվաստանյութեր Հայաստանի հանրապետության բոլոր քաղաքացիներին պատվաստելու համար»,- հայտնել է վարչապետը:
Վարչապետն իր ընտանիքի օրինակով պատմել է նաև, որ պատվաստված լինելու դեքպում՝ կորոնավիրուսային հիվանդության ընթացքն ավելի թեթև է լինում:
Ավելի վաղ ՌՈՒՍԱՐՄԻՆՖՈ-ն հայտնել էր, որ հոկտեմբերի 24-ը Երևանում հայտարարվել էր պատվաստումների օր: