Rusarminfo Российско-Армянское информационное агентство
Գորիսցին տեսախցիկի առջև ոգևորված ասում էր.- հաղթեց իր ցանկությունը, հաղթեց արդարությունը. Մեր կողմից ավելացնենք՝ հաղթել է գորիսցու կամային որոշումը, որին ոչ ոք չի բռնացել: Ավելին, լեգիտիմ ընտրության բերկրանքը չեն թաքցնում անգամ նրանք, ովքեր ժամանակին գողանում էին այդ լեգիտիմությունը: Այո, Հայաստանում սկսած ընտրական առաջին կեղծարարությունից բոլորը իշխանության են եկել այդ գողությամբ, այդ թվում և Սյունիքում: Ինչ է, այն ժամանակ սյունեցին չէր գիտակցում, որ իր ընտրական իրավունքը պետական սահմանի գին ունի: Եթե կուզեք, հենց ընտրություն կեղծելն էր ընտրողի նվաստացմամբ բերում Հայաստանին մոտեցող պարտությունը: Հիմա, ով է ճիշտ. Այս ընտրությամբ իր եսը հաստատող, թե այդ եսից քառորդ դար զրկված գորիսցին: Հիմա որն ենք ընտրում. բդեշխությունների բաժանած միակուսակցական անդեմ, թե բազմակուսակցական լեգիտիմությամբ ամրացող Հայաստանը, որի հիմնակետը, ինչքան էլ նզովեք, մնում է 2018 թվականը, որն ուրացողները, ովքեր էլ լինեն, կկործանեն ոչ միայն իրենց, այլև այն ամենը, ինչ մնալու է իրենցից հետո…
Նվեր Մնացականյան
