Rusarminfo Российско-Армянское информационное агентство
Ադրբեջանի Մեջլիսի նախագահ Սահիբա Գաֆարովան ԵԱՀԿ Խորհրդարանական վեհաժողովի նախագահ Մարգարեթ Սեդերֆելտի հետ հանդիպման ժամանակ բողոքել է միջազգային կառույցների ներկայացուցիչների կողմից Ղարաբաղյան հակամարտություն տերմինի օգտագործման դեմ։
Գաֆարովան նշել է, որ 44-օրյա պատերազմով հակամարտությունը, իր համոզմամբ, կարգավորվել է։
«Ղարաբաղյան հակամարտությունն ընդմիշտ մտել է պատմության մեջ: Ադրբեջանի և տարածաշրջանի համար նոր փուլ է սկսվել: Սա վերականգնման և շինարարության փուլ է»,- ասել է նա։
Նա նաև հայտարարել է, որ Ադրբեջանի նախագահ Իլհամ Ալիևի որոշմամբ այս տարվա հուլիսին երկրում տնտեսական շրջանների նոր բաժանում է եղել։ Այս հրամանագրով ստեղծվել են երկու նոր շրջաններ՝ Ղարաբաղի տնտեսական շրջանը և Արևելյան Զանգեզուրի տնտեսական շրջանը։
Ավելի վաղ ՌՈՒՍԱՐՄԻՆՖՈ-ն հայտնել էր, որ Ադրբեջանի արտգործնախարար Ջեյհուն Բայրամովը մամուլի ասուլիսի ժամանակ մեկնաբանել է Հայաստանի հետ հարաբերությունները բարելավելու Բաքվի պատրաստակամությունը:
