Բռնցքամարտի Եվրոպայի երիտասարդական առաջնությունում բռնցքամարտիկ Հենրիկ Սահակյանը հաղթել է թուրք մրցակցին:
Ինչպես հայտնում է Հայաստանի բռնցքամարտի ֆեդերացիան, առաջնությունն ընթանում է Բուդվայում (Չեռնոգորիա):
51 կգ քաշային կարգի քառորդ եզրափակիչում Սահակյանը 5:0 հաշվով հաղթել է թուրք մարզիկ Չինար Մեհմեթանին:
Հայաստանի հավաքականին ևս մեկ հաղթանակ բերել է Էրիկ Իսրայելյանը։ 60 կգ քաշային կարգում նա 4:1 հաշվով հաղթել է իսպանացի մարզիկին:
Կիսաեզրափակչում Հայաստանը ներկայացնում են առաջնության 3 մասնակիցներ:
Ավելի վաղ ՌՈՒՍԱՐՄԻՆՖՈ-ն հայտնել էր, որ Ուֆայում ազատ ոճի ըմբշամարտի աշխարհի առաջնությունում Լյովա Գևորգյանը դարձել է արծաթե մեդալակիր: