Rusarminfo Российско-Армянское информационное агентство
Հոկտեմբերի 20-ի ողբերգական ավտովթարի հետեւանքով տուժած քաղաքացիներից տասը տեղափոխվել են «Արմենիա» հանրապետական բժշկական կենտրոն:
ՌՈՒՍԱՐՄԻՆՖՈ-ի հետ զրույցում բժշկական կենտրոնի վիրաբուժական գծով տնօրեն Աշոտ Կուրղինյանը հայտնեց, որ տուժածներից 6-ը գտնվում են վերակենդանացման բաժանմունքում: Երեքի վիճակը գնահատվում է ծայրահեղ ծանր: Նրանցից երկուսին վիրահատում են:
Աշտարակի բժշկական կենտրոնից էլ ՌՈՒՍԱՐՄԻՆՖՈ-ին տեղեկացրին, որ իրենց մոտ տեղափոխված քաղաքացիների առողջական վիճակը նորմալ է:
Ավելի վաղ ՌՈՒՍԱՐՄԻՆՖՈ-ն հայտնել էր, որ Երեւան-Գյումրի ավտոճանապարհին «Գազել» մակնիշի ավտոմեքենայի շրջվելու հետևանքով մահացել է 5 քաղաքացի:
