Rusarminfo Российско-Армянское информационное агентство
Մոսկվայում վաճառքի է հանվել լեգենդար «Աննուշկան»՝ տրամվայ -պանդոկը, որը 1989 թվականից գործում էր «Չիստի Պրուդի» – Պոկրովսկիե Վորոտա երթուղով:
Վաճառքի մասին հայտարարությունը տեղադրվել է «Վկոնտակտե» սոցցանցում: Տրամվայի արժեքը գնահատվում է 1,2 մլն ռուբլի:
«Աննուշկա»-ի սեփականատեր Միհրան Մխիթարյանը սոցցանցի տեսանյութում նշել է, որ տրամվայը շարունակում է կանգնած մնալ կայանատեղիում, քանի որ իշխանությունները չեն ընդառաջում և պայմանագիր չեն կնքում իր հետ:
Միհրան Մխիթարյանը նշել է, որ «Աննուշկան» մշտական ծախսեր էր պահանջում՝ էլեկտրոէներգիա, կայանատեղի, սպասարկում, լվացում: Այնուամենայնիվ, 32 տարվա ընթացքում «Աննուշկան» երթուղի դուրս չի եկել միայն մեկ անգամ, երբ Չիստոպրուդնիում վերանորոգվում էին երկաթուղային գծերը:
Ավելի վաղ ՌՈՒՍԱՐՄԻՆՖՈ-ն հայտնել էր, որ Մոսկվայում Արա Աբրահամյանին պատկանող առանձնատունը վաճառքի է հանվել 6 միլիարդ ռուբլով:
