Rusarminfo Российско-Армянское информационное агентство
Եվրասիական տնտեսական հանձնաժողովի պաշտոնական ներկայացուցիչ Իյա Մալկինան ներկայացրել է Ռուսաստանում Եվրասիական Միության երկրներից պաշտոնապես գրանցված աշխատողների թիվը:
Նրա խոսքով 2021 թվականի առաջին կիսամյակում Ռուսաստանում գրանցված աշխատում է 202 հազար հայաստանցի:
Նա նշել է, որ հունիսի վերջին Ռուսաստանում աշխատող ԵԱՏՄ երկրների քաղաքացիների թիվը 738 հազար է. 385 հազարը Ղրղզստանից, 202 հազարը Հայաստանից, 81 հազարը Բելառուսից և 70 հազարը` Ղազախստանից:
Ըստ Մալկինայի՝ ընդհանուր թիվը գրեթե 40% -ով ավել է, քան 2019 թվականին: Նա ընդգծել է, որ հանձնաժողովը դրական է գնահատում այն փաստը, որ չնայած սանիտարահիգիենիկ և հակահամաճարակային սահմանափակումներին, աշխատանքի միասնական շուկան շարունակում է գործել:
Ավելի վաղ ՌՈՒՍԱՐՄԻՆՖՈ-ն հայտնել էր, որ Հայաստանը հինգերորդ տեղում է այն երկրների ցանկում, որտեղից միգրանտներն աշխատանքի են մեկնում Ռուսաստան:
