Rusarminfo Российско-Армянское информационное агентство
Մեքենաների պահպանման, շահագործման և վառելիքի ծախսը կրճատելու նպատակով, նախատեսվում է առաջիկայում աստիճանաբար անցում կատարել էլեկտրական մեքենաների շահագործմանը։ Այս մասին ֆեյսբուքյան գրառում է արել ՀՀ Շրջակա միջավայրի նախարարությունը:
Ըստ այդմ՝ Գլոբալ էկոլոգիական հիմնադրամի աջակցությամբ, նախարարությունը նախատեսում է պետական կառույցների ծառայողական մեքենաները փոխարինել էլեկտրոմոբիլներով:
«Ծրագրի ընդհանուր բյուջեն մոտ 5 մլն 400 հազար դոլար է, որից 4.5 միլիոնը կառավարությունը ծրագրում է ներդնել հարկային և մաքսային արտոնությունների տեսքով»,- ասվում է նախարարության հայտարարության մեջ:
Ծրագրի շրջանակում կառավարության կարիքների համար ձեռք կբերվի 12 էլեկտրական շարժիչով մեքենա և կկառուցվի սնուցման 2 կայան։
Ավելի վաղ ՌՈՒՍԱՐՄԻՆՖՈ-ն հայտնել էր, որ Հայաստանի կառավարությունը նախատեսում է անցում կատարել էլեկտրոմոբիլների շահագործմանը:
