Rusarminfo Российско-Армянское информационное агентство
Իրանի գլխավոր դատախազ Մոհամմադ Ջաֆար Մոնտազերին իրանական պետական լրատվական գործակալությանը տված հարցազրույցում խոսել է Հայաստանի տարածքում Արաքս գետի ջրի աղտոտման մասին:
Մոնտազերին ընդգծել է, որ Հայաստան կատարած իր վերջին այցի ժամանակ ամենակարևոր հարցերից մեկը եղել է այդ հարցի քննարկումը:
«Ես այդ հարցը քննարկել եմ Հայաստանի պաշտոնյաների հետ»,- նշել է Իրանի գլխավոր դատախազը:
Մոնտազերին ընդգծել է, որ հանդիպման ժամանակ կողմերը որոշել են հատուկ հանձնաժողով ստեղծել, որը կզբաղվի Արաքսի աղտոտվածության ուսումնասիրման հարցով ինչպես Իրանում, այնպես էլ` Հայաստանում:
Իրանի գլխավոր դատախազը հայտարարել է, որ Արաքս գետը կարևոր է երկու երկրների համար։ Մոնտազերիի խոսքով՝ կողմերը տրամադրված են լուծելու գետի աղտոտվածության խնդիրը։
Ավելի վաղ ՌՈՒՍԱՐՄԻՆՖՈ-ն հայտնել էր, որ Հայաստանի և Իրանի գլխավոր դատախազները հանդիպում են ունեցել Երևանում:
