Friday , September 30 2022
amru
Home / Լրահոս / Հնդկաստանին հետաքրքրում է Հայաստանի հյուսիս-հարավ մայրուղին

Հնդկաստանին հետաքրքրում է Հայաստանի հյուսիս-հարավ մայրուղին

Հայաստանի և Հնդկաստանի Արտաքին գործերի նախարարների համատեղ ասուլիսում Արարատ Միրզոյանը խոսել է ԵԱՀԿ Մինսկի խմբի համանախագահների տարածաշրջան սպասվելիք այցի մասին:
Նրա խոսքով՝ մոտ օրերս հստակ որոշում կլինի այդ հարցում:

Անդրադառնալով հայ-հնդկական հարաբերություններին, Միրզոյանը հույս է հայտնել, որ Հնդկաստանը կարող է լուրջ ներդրում ունենալ Հարավային Կովկասում իրավիճակի եւ անվտանգության կարգավորման հարցում:

«Հայաստանը բարձր է գնահատում Հնդկաստանի այն հայտարարությունը, որ Ադրբեջանը պետք է հետ քաշվի Հայաստանի ինքնիշխան տարածքից»,- ասել է Արարատ Միրզոյանը:

Հնդկաստանի Արտաքին գործերի նախարար Սուբրամանյամ Ջայշանկարն էլ իր հերթին նշել է, որ իրենք մշտապես կողմ են եղել արցախյան հարցի կարգավորմանը երկխոսության միջոցով՝ առանց ուժի կիրառման և շարունակելու են հավատարիմ մնալ իրենց դիրքորոշմանը:

Հնդկաստանի արտգործնախարարնը նշել է, որ ընդլայնաված կազմով հանդիպման ժամանակ անդրադարձ է եղել նաև ենթակառուցվածքների հարցին: Նա նշել է, որ Հնդկաստանը Իրանում նավահանգիստ է գործարկում, որը հյուսիս-հարավ ճանապարհի կառուցումից հետո Իրանի միջոցով թույլ կտա նոր առևտրային ուղիներ զարգացնել ցամաքային ճանապարհով:

Ավելի վաղ ՌՈՒՍԱՐՄԻՆՖՈ-ն հայտնել էր, որ ՀՀ արտաքին գործերի նախարար Արարատ Միրզոյանը գնահատել է Իրան կատարած այցելությունը:

Leave a Reply

Կարդացեք նաև

Հայաստանում քաղաքական պայքարն անցնում է բարոյականության սահմանը. Մելիքյան Տեսանյութ

Խոսքի ազատության պաշտպանության կոմիտեի նախագահ Աշոտ Մելիքյանը մեկնաբանել է ընդդիմադիր պատգամավորների ակցիան, որոնք հունիսի 8-ին …