Rusarminfo Российско-Армянское информационное агентство
Սպորտային մեկնաբան Խաչիկ Չախոյանը ՌՈՒՍԱՐՄԻՆՖՈ-ի թղթակցի հետ զրույցում անդրադարձել է Գերմանիա- Հայաստան եւ սպասվելիք Հայաստան-Լիխտենշտեյն հանդիպումներին:
Նրա կարծիքով Գերմանիայի դեմ խաղում մեր ֆուտբոլիստների գործողություններում պակասում էր պրեսինգը, ինչի պատճառով Գերմանիայի հավաքականի ֆուտբոլիստները ազատ տարածություններ էին ստանում եւ կարողանում էին անարգել կազմակերպել իրենց գրոհները:
Ըստ մեկնաբանի՝ սա մեր հավաքականի առաջին պարտությունն էր ընտրական փուլում, սակայն դա չի նշանակում, որ չպետք է շարունակել առաջին տեղի համար պայքարը եւ մեր տղաները պետք է կենտրոնանան յուրաքանչյուր սպասվող խաղի վրա եւ մտածեն տվյալ խաղում հաղթանակի մասին:
Անդրադառնալով Լիխտեյնշտեյնի դեմ սպասվելիք խաղին՝ Խաչիկ Չախոյանն ասել է, որ մեր հավաքականն ի զորու է արագ կերպով մոռանալ Գերմանիայից կրած պարտությունը եւ կենտրոնանալ Լիխտեյնշտեյնի դեմ խաղի վրա:
«Ասել, որ մեր հավաքականին հեշտ հանդիպում է սպասվում Երեւանում, սխալ կլինի, որովհետեւ առաջին հանդիպումը, որտեղ Հայաստանի հավաքականը մրցակցի հարկի տակ դժվարությամբ հասավ հաղթանակի,դրա վառ ապացույցն է», – ասել է Չախոյանը:
Խաչիկ Չախոյանը համոզված է՝ մեր ընտրանին Լիխտեյնշտեյնից ուժեղ է եւ՛ խաղով, եւ՛ անհատական խաղացողներով, նաեւ թիմային ոգով, սակայն պետք է անպայման հաղթել այս խաղում, որպեսզի պահպանվեն առաջին տեղի համար պայքարի հնարավորությունները:
