Rusarminfo Российско-Армянское информационное агентство
«Ռոմա» իտալական ֆուտբոլային ակումբը հայտարարել է Հայաստանի ազգային հավաքականի կիսապաշտպան Հենրիխ Մխիթարյանի հետ պայմանագիրը երկարաձգելու մասին:
«Վերջին երկու տարիներին ես սիրահարվեցի ակումբին,նաեւ քաղաքին՝ մեծամասամբ երկրպագուների անհավանական կրքոտության շնորհիվ: Ակումբի հնարավորությունները շատ մեծ են, եւ ես հպարտ եմ, որ կարող եմ իմ դերն ունենալ այդ գործում», – այսպես է մեկնաբանել Մխիթարյանը պայմանագրի երկարաձգումն ակումբի հետ:
Պայմանագրի երկարաձգման վերաբերյալ գոհունակություն է հայտնել «Ռոմայի» գլխավոր տնօրեն Տիագո Պինտոն, հայտարարելով, որ Մխիթարյանի խաղային որակները կօգնեն թիմին հաջորդ մրցաշրջանում արդյունքի հասնելու հարցում:
Ավելի վաղ ՌՈւՍԱՐՄԻՆՖՈ-ն հայտնել է, որ իտալացի սպորտային լրագրող Նիկոլո Սկիրան, բացահայտել էր Մխիթարյանի եւ «Ռոմայի» միջեւ նոր համաձայնագրի պայմանները:
