Ազգային ժողովում կայացել է վարչապետի ընտրության հարցով արտահերթ նիստը: Իշխող «Իմ քայլը» խմբակցությունը վարչապետի պաշտոնում առաջադրել է Նիկոլ Փաշինյանի թեկնածությունը:
Սակայն, 2021-ի հունիսին արտահերթ խորհրդարանական ընտրություններ անցկացնելու վերաբերյալ վարչապետի, երկրի նախագահի և խորհրդարանական ուժերի նախնական պայմանավորվածության համաձայն, Փաշինյանը չի ընտրվել վարչապետի պաշտոնում:
Ըստ այդ նույն պայմանավորվածության, « Բարգավաճ Հայաստան» և «Լուսավոր Հայաստան» ընդդիամադիր խմբակցությունները չեն առաջադրել իրենց թեկնածուներին: «Բարգավաճ Հայաստան» խմբակցությունը այսօրվա նիստին չի մասնակցել:
Ըստ ՀՀ Սահմանադրության` խորհրդարանը լուծարվում է, եթե վարչապետի հրաժարականից հետո 2 շաբաթվա ընթացքում երկու անգամ անընդմեջ կառավարության նոր ղեկավար չի ընտրվում։
Վարչապետի ընտրության հաջորդ փորձը տեղի կունենա մյուս շաբաթ։
Ավելի վաղ ՌՈՒՍԱՐՄԻՆՖՈՆ հայտնել էր, որ Հայաստանի վարչապետ Նիկոլ Փաշինյանը հրաժարական է տվել: