Հայաստանի Բարձր տեխնոլոգիական արդյունաբերության նախարարությունը ներկայացրել է հայկական «10X Engineering» ընկերության մշակած 3D ակնոցը:
Նախագծի հեղինակները պնդում են, որ եռաչափ 3D ակնոցը մարդկանց հնարավորություն կտա իրենց տեսողական և լսողական զգայարանները տեղափոխել վիրտուալ աշխարհ:
Դա կօգնի նվազեցնել ցավն ու սթրեսը բժշկական հետազոտությունների կամ այլ սրթեսային իրավիճակների ժամանակ:
«Նման սարքեր արդեն գոյություն ունեն աշխարհում, բայց հայկական մոդելը մի քանի քայլ առաջ է եղածից, քանի որ հայ ինժեներների մշակածը հաշվի է առնում նաև յուրաքանչյուր մարդու անհատականությունը՝ ազգությունը, տարիքը, նախասիրությունները, տարբեր երևույթների նկատմամբ զգայունությունը, համային հետաքրքրությունները և այլ բնութագրեր», – հաղորդում է նախարարության մամլո ծառայությունը:
6 ամիս անց “10X Engineering” ընկերությունը նախատեսում է կատարել արտադրանքի առաջին փորձարկումը։ Այնուհետև ընկերությունն անվճար սարքավորումներ կտրամադրի Հայաստանի բժշկական հաստատություններին։
Հայ ինժիներ-գիտնականները մտադիր են հոդված հրապարակել աշխարհի ամենահայտնի գիտական մասագրերից մեկում` ապացուցելու համար, որ իրենց մշակածը ամենաարդյունավետն է մինչ այժմ գոյություն ունեցող նմանատիպ սարքերից:
Ավելի վաղ ՌՈՒՍԱՐՄԻՆՖՈՆ հայտնել էր, որ IT լուծումների նախագծման միջազգային DataArt ընկերությունը հրապարակել է Skillotron խաղային հարթակի վիճակագրությունը, ըստ որի հայ ծրագրավորողները առաջ են անցել ամերիկացիներից: