Rusarminfo Российско-Армянское информационное агентство
Թուրքիան պատրաստվում է հյուպատոսություն բացել Շուշիում, որը Ադրբեջանի վերահսկողության տակ է անցել 2020-ի 44-օրյա պատերազմից հետո:
Այս մասին ադրբեջանական Milli.az-ին տեղեկացրել է Ադրբեջանում Թուրքիայի նախկին դեսպան Հուլուսի Քըլըչը:
Իր հարցազրույցում Քըլըչը անդրադարձել է նաև հայ-ադրբեջանական սահմանին տեղի ունեցած միջադեպերին, դրանցում մեղադրելով հայկական կողմին ու ադրբեջանցիների կողմից պատասխան խոստանալով:
«Ռուս խաղաղապահները պետք է այնպես անեն, որ դա այլևս չկրկնվի: Ադրբեջանը կպաշտպանի իրեն»,- ասել է նա:
Հուլուսի Քըլըչը հայտարարել է նաև, որ իր երկիրն աջակցում է «Զանգեզուրի միջանցքի» բացմանը (Հայաստանի տարածքով – խմբ.) և Հայաստանի, Ադրբեջանի ու Ռուսաստանի ղեկավարների եռակողմ հայտարարության իրագործմանը:
Ավելի վաղ ՌՈՒՍԱՐՄԻՆՖՈՆ հաղորդել էր, որ համացանցում հայտնվել է Շուշիի Ղազանչեցոց հայկական եկեղեցու մոտ նկարահանված տեսանյութ, որը ցույց է տալիս, որ եկեղեցու դարպասներից անհետացել են հրեշտակների արձանները:
