Rusarminfo Российско-Армянское информационное агентство
Ապրիլի 30-ին Ադրբեջանի ոստիկանությունը բերման է ենթարկել Բարդայի շրջանի բնակիչ Մանսիմ Ասլանովին, որը փորձել է անցնել Արցախի` Ադրբեջանի վերահսկողության տակ տարածք: Այդ տարածքում ականազերծման աշխատանքներ են տարվում:
Ինչպես հայտնում է Ադրբեջանի ՆԳՆ մամուլի կենտրոնը, տղամարդը փորձել է իր ԳԱԶ-31 մակնիշի ավտոմեքենայով գնալ Արցախ: Նա չի հնազանդվել ոստիկանության սպայի՝ կանգ առնելու հրամանին, վրաերթի է ենթարկել նրան ու փորձել է փախչել:
Սակայն շուտով նա բերման է ենթարկվել Ղարադաղլի գյուղի տարածքում: Միջադեպի հետևանքով ոստիկանի ձեռքը վնասվել է:
Ավելի վաղ ՌՈՒՍԱՐՄԻՆՖՈՆ հայտնել էր, որ Արցախում ականի պայթյունից հայ փրկարար է վիրավորվել:
