Դոնի Ռոստովի «Բարեկամություն» զբոսայգու կենտրոնական պուրակում (Կոմարովի բուլվար) կտեղադրվի Խորհրդային Միության կրկնակի հերոս, մարշալ Հովհաննես Բաղրամյանի կիսանդրին:
Ինչպես հաղորդում է «Դոնի Ռոստովի Պանորամա» ինտերնետ-պորտալը, Բաղրամյանի կիսանդրին կտեղադրվի արտաբյուջետային միջոցների հաշվին:
Նշվում է նաև, որ Թատերական պողոտայում էլ կտեղադրվի խորհրդային հերոս, սպա Ցեզար Կունիկովի հուշարձանը:
Հովհաննես Բաղրամյանը ծնվել է 1897 թվականի նոյեմբերի 20-ին Արցախի Չարդախլու գյուղում: 1920-ի դեկտեմբերին նա միացել է Կարմիր բանակին՝ որպես հայկական 1-ին գնդի ջոկատի հրամանատար:
Հայրենական մեծ պատերազմի տարիներին նա խոշոր ռազմական գործողություններ է մշակել, ազատագրել է Օրյոլը, Վիտեբսկը, գրավել է Քենիգսբերգը։
1955 թվականին Բաղրամյանին շնորհվել է Խորհրդային Միության մարշալի կոչում, իսկ երկու տարի անց՝ 1977 թվականին, նա դարձել է ԽՍՀՄ կրկնակի հերոս։
Ավելի վաղ ՌՈՒՍԱՐՄԻՆՖՈՆ հայտնել էր, որ Բելառուսի Գորոդոկ քաղաքում բացվել է Խորհրդային Միության մարշալ Հովհաննես Բաղրամյանի բրոնզե կիսանդրին: