Rusarminfo Российско-Армянское информационное агентство
Թուրքիայի արտգործնախարար Մևլութ Չավուշօղլուն Վաշինգտոնին նախազգուշացրել է, որ նախագահ Բայդենի կողմից Հայոց ցեղասպանության ճանաչումը կարող է փչացնել Թուրքիայի և Միացյալ Նահանգների հարաբերությունները:
«Reuters»-ը, հղում անելով «Haberturk»-ին, գրում է Չավուշօղլուի մտավախություն մասին, թե Բայդենը կարող է դառնալ Հայոց ցեղասպանությունը ճանաչող ԱՄՆ առաջին նախագահը:
«Եթե ԱՄՆ-ը ցանկանում է վատթարացնել հարաբերությունները, որոշումը նրանցն է»,- ասել է Չավուշօղլուն:
Թուրքիայի արտգործնախարարը նաև հավելել է, որ Միացյալ Նահանգները պետք է հարգի միջազգային իրավունքը։
Ավելի վաղ ՌՈՒՍԱՐՄԻՆՖՈՆ հայտնել էր, որ ԱՄՆ նախագահի վարչակազմը պատասխանել է հայ պատմաբանների նամակին:
