Հայաստանի երկրորդ նախագահ Ռոբերտ Քոչարյանի փաստաբանական թիմը հերթական անգամ հայց է ներկայացրել վարչապետ Նիկոլ Փաշինյանի դեմ։ Հայցը ներկայացվել է ապրիլի 7-ին: Այնմակագրվել է Երեւանի ընդհանուր իրավասության դատարանի դատավոր Արթուր Մկրտչյանին:
Փաստաբանները պահանջում են Փաշինյանի հայտարարությունները համարել զրպարտություն, հերքել դրանք և ճանաչել նախկին նախագահի անմեղության կանխավարկածը ։
Փոխհատուցման համար պահանջվող ընդհանուր գումարը 4 մլն դրամ է ։Ըստ փաստաբանների տարածած հաղորդագրության` հայցի պատճառ են հանդիսացել ՀՀ վարչապետի հայտարարությունները 2021 թվականի մարտի 1-ի հանրահավաքի ժամանակ ։
«Այնտեղ խոսվում է այնպես, որ որեւէ կասկած չկա՝ խոսքը, այդ թվում՝ նաեւ պարոն Քոչարյանի մասին է: Ուղղակիորեն ազգանունը չի նշվել, բայց ամբողջ խոսքը կառուցված է այնպես, որ որեւէ կասկած չի թողնում՝ խոսքը մյուսների հետ միասին նաեւ պարոն Քոչարյանի մասին է»,- ասել է Քոչարյանի փաստաբան Հայկ Ալումյանը:
Սա Քոչարյանի երրորդ հայցն է ընդդեմ վարչապետ Փաշինյանի ։
Ավելի վաղ ՌՈՒՍԱՐՄԻՆՖՈՆ հայտնել էր, որ Հայաստանի երկրորդ նախագահ Ռոբերտ Քոչարյանը Վլադիմիր Պոզներին տված հարցազրույցում հայտարարել է, որ մասնակցելու է 2021 թվականի հունիսի 20-ին կայանալիք արտահերթ խորհրդարանական ընտրություններին: