Rusarminfo Российско-Армянское информационное агентство
Այսօր ՝ ապրիլի 12-ին, Եվրոխորհրդարանում տեղի կունենա հատուկ նիստ ՝ Ադրբեջանից հայ ռազմագերիների անհապաղ ազատ արձակման և վերադարձի հարցով:
Որպես հրավիրված խոսնակ, հանդիպմանը կմասնակցի «Հանուն արդարության և ժողովրդավարության Եվրոպայի հայկական ֆեդերացիայի» գործադիր տնօրեն Հեղինե Էվինյանը:
Եվրոխորհրդարանի կայքը հայտնում է, որ վիրտուալ համաժողովը կենտրոնանալու է Ադրբեջանում հայ գերիների հարցը իրավական, հումանիտար և քաղաքական տեսանկյունից քննարկելու վրա:
Երկուշաբթի հայ ռազմագերիների վերադարձի խնդրի մասին խոսել է նաև ՀՀ-ում Ռուսաստանի դեսպան Սերգեյ Կոպիրկինը: Նա ասել է, որ այդ հարցը Ռուսաստանի և ռուս խաղաղապահ զորագնդի առաջնահերթ խմդիրներից է:
«Շատ ծանր և համառ աշխատանք է տարվում: Որոշակի առաջընթաց կա, մենք մի քանի անգամ անդրադարձել ենք, աշխատանքը շարունակվում է», – ասել է դիվանագետը Երևանում կայացած ճեպազրույցի ժամանակ:
Արցախում զինադադարի մասին հայտարարության ստորագրումից հինգ ամիս անց, Ադրբեջանում պահվող հայ ռազմագերիների հարցը շարունակում է մնալ Հայաստանի ամենասուր և ամենակարևոր մարդասիրական խնդիրներից մեկը:
Ավելի վաղ RUSARMINFO- ն հայտնել էր, որ Լեռնային Ղարաբաղում Ռուսաստանի խաղաղապահ բրիգադի հրամանատար Ռուստամ Մուրադովը սադրանք է համարել ապրիլի 8-ին բանտարկյալների պլանավորված վերադարձի մասին Հայաստանի պաշտոնյաների հայտարարությունը:
