Մոդեստ Կոլերով. «ԵՄ-ից ֆինանսական օգնության բացակայությունը Հայաստանի իշխանությունների սխալն է» — Rusarminfo
Пятница , Ноябрь 24 2017
ВАЖНОЕ
Главная / Նորություններ / Մոդեստ Կոլերով. «ԵՄ-ից ֆինանսական օգնության բացակայությունը Հայաստանի իշխանությունների սխալն է»

Մոդեստ Կոլերով. «ԵՄ-ից ֆինանսական օգնության բացակայությունը Հայաստանի իշխանությունների սխալն է»

Նախօրեին ՀՀ ԱԳ նախարար Է.Նալբանդյանը ԵՄ միասնական արտաքին քաղաքականության և անվտանգության հարցերով բարձր ներկայացուցիչ Ֆ.Մոգերինիի հետ համատեղ մամլո ասուլիսին հայտարարել է, որ Հայաստանը մեծ կարևորություն է տալիս ԵՄ-ի կողմից տրամադրվելիք հնարավոր ֆինանսական օգնությանը` Սիրիայից ժամանած փախստականների կարիքները հոգալու համար:

Նախարարի խոսքով` հայկական կողմը ԵՄ ներկայացուցիչներին տեղեկացրել է, որ Հայաստանը ապաստան է տրամադրել մոտ 20 հազ. սիրիացու:

Ըստ REGNUM տեղեկատվական գործակալության գլխավոր խմբագիր Մոդեստ Կոլերովի` Հայաստանը շատ ուշ է հիշել, որ հազարավոր սիրիացի փախստականների է ընդունել:

«Հայաստանը պարզապես հապաղել է փախստականներին ընդունելու համար ֆինանսական աջակցության ԵՄ ծրագրերում ընդգրկվելու հարցում: Երկրի իշխանությունը պետք է նախապես մտածեր ֆինանսական օգնություն ստանալու մասին` ԵՄ-ին դիմելով ավելի վաղ և իրազեկելով, որ երկիր են ժամանել հազարավոր սիրիացի փախստականներ», — RUSARMINFO-ի հետ զրույցում ասել է Մոդեստ Կոլերովը:

Ըստ նրա` ֆինանսական օգնության բացակայությունը իշխանության սխալն է, քանի որ ԵՄ-ն անվճար օգնության տրամադրման կետ չէ, և այն մեխանիկորեն չի ֆինանսավորում այն երկրներին, որտեղ առաջացել են ֆինանսական խնդիրներ:

«Աջակցություն ստանալու հարցը պետք է անցնի ԵՄ-ի բյուրոկրատական ընթացակարգը: Այս մասին է վկայում Թուրքիայի երկարատև առուծախը Գերմանիայի հետ 5 մլրդ եվրոյի հատկացման շուրջ` սիրիացի փախստականների խնդիրները լուծելու նպատակով: Դուք որևէ բան լսե՞լ եք Հայաստանի և ԵՄ-ի բանակցությունների մասին: Երևանը միայն վերջերս է այդ հարցը սկսել բարձրացնել», — նշել է Կոլերովը:

Հիշեցնենք, որ Է.Նալբանդյանի հետ հանդիպմանը ԵՄ միասնական արտաքին քաղաքականության և անվտանգության հարցերով բարձր ներկայացուցիչ Ֆ.Մոգերինին հաստատել է, որ Սիրիայի փախստականների առնչությամբ Երևանին ֆինանսական օգնություն տրամադրելու հարցը քննարկվում է առաջին անգամ:

Смотрите также

Փորձագետ. «Աշխարհի բոլոր քրիստոնյաները պետք է արձագանքեն Էրդողանի որոշմանը՝ վերածելու Սուրբ Սոֆիայի տաճարը մզկիթի»

Թուրքիայի ԱԳ նախարարությունը տարածել է հայտարարություն՝ ի պատասխան Հունաստանի քննադատությանը Ստամբուլի Սուրբ Սոֆիայի տաճարը մզկիթի …