Կարսի պայմանագիրը. խորհրդային փաստաթղթի չեղարկումը Թուրքիայի համար աղետալի հետևանքներ կունենա — Rusarminfo
Вторник , Октябрь 24 2017
ВАЖНОЕ
Главная / Նորություններ / Կարսի պայմանագիրը. խորհրդային փաստաթղթի չեղարկումը Թուրքիայի համար աղետալի հետևանքներ կունենա

Կարսի պայմանագիրը. խորհրդային փաստաթղթի չեղարկումը Թուրքիայի համար աղետալի հետևանքներ կունենա

Ռուսաստանը երբևէ հատուկ ուշադրություն չի դարձրել ԽՍՀՄ-ի և Թուրքիայի միջև 1921թ. կնքված Կարսի պայմանագրին: Միայն մեկ անգամ պատմության մեջ` 1943 թվականին, Իոսիֆ Ստալինը փորձ է կատարել չեղարկել Կարսի պայմանավորվածությունները, բայց դեմ է առել հակահիտլերյան կոալիցիայի դիմադրությանը:

Ի պատասխան ռուսաստանյան Սու-24 օդանավի խոցմանը` Թուրքիայի հանդեպ պատժամիջոցների ընդունումից հետո ռուսաստանյան հասարակական-քաղաքական շրջանակներում կրկին սկսել են խոսել Կարսի պայմանագրի հնարավոր չեղարկման մասին:

Ըստ ռուսաստանցի ռադիոմեկնաբան, պատմաբան և հրապարակախոս Արմեն Գասպարյանի` Անկարան դեռևս չի գիտակցում հնարավոր հետևանքների ողջ բարդությունը:

«Չեղարկումը Թուրքիայի համար մեծ աշխարհաքաղաքական աղետի կվերածվի, քանի որ թուրքական պետականությունն այն տեսքով, որով գոյություն ունի այսօր, մեծ մասամբ Կարսի պայմանագրի արդյունքն է: Անկարան առնվազն պատրաստ չէր, որ որևէ մեկը Ռուսաստանում կսկսի քննարկել չեղարկման հնարավոր հեռանկարների հարցը» — RUSARMINFO-ի հետ զրույցում ասել է Արմեն Գասպարյանը:

Ռուսաստանցի փորձագետը չի բացառում, որ Թուրքիայի ներկայիս պահվածքից ելնելով` Կարսի պայմանագրի չեղարկումը Ռուսաստանում կարող է դառնալ լայն հասարակական քննարկման թեմա:

«Եթե Ռուսաստանում այս թեման սկսեն զարգացնել, ապա չեմ բացառում, որ կսկսի գործել դանդաղ գործարկման ռումբը: 1992-ից սկսած այդ պայմանագիրը այս կամ այն աստիճանով քննարկում են վրացի քաղաքական գործիչները: Հասկանալի պատճառներով հիմա այն սկսել են քննարկել նաև Ռուսաստանում», — նշել է Գասպարյանը:

Նշենք, որ ստորագրված Կարսի պայմանագրով Թուրքիային է անցել Հայաստանից մոտ 30 հազ.քկմ տարածք: Փաստաթուղթը վավերականության ժամկետ չունի: Երևանը չի վավերացրել Կարսի պայմանագիրը` չճանաչելով Թուրքիայի և Հայաստանի միջև ներկայիս սահմանը:

Смотрите также

Փորձագետ. «Աշխարհի բոլոր քրիստոնյաները պետք է արձագանքեն Էրդողանի որոշմանը՝ վերածելու Սուրբ Սոֆիայի տաճարը մզկիթի»

Թուրքիայի ԱԳ նախարարությունը տարածել է հայտարարություն՝ ի պատասխան Հունաստանի քննադատությանը Ստամբուլի Սուրբ Սոֆիայի տաճարը մզկիթի …

ADISORD DESIGN