Բեռնատարերի հարկումը կավելացնի Հայաստանից ներկրվող ապրանքների արժեքը 12 կոպեկով մեկ կիլոգրամի դիմաց — Rusarminfo
Вторник , Декабрь 12 2017
ВАЖНОЕ
Главная / Նորություններ / Բեռնատարերի հարկումը կավելացնի Հայաստանից ներկրվող ապրանքների արժեքը 12 կոպեկով մեկ կիլոգրամի դիմաց

Բեռնատարերի հարկումը կավելացնի Հայաստանից ներկրվող ապրանքների արժեքը 12 կոպեկով մեկ կիլոգրամի դիմաց

Բեռնատար փոխադրումների կամ ավելի հայտնի հեռավոր տարածության բեռնատարերի համար սահմանված ռուսաստանյան նոր հարկը կհանգեցնի Հայաստանից ներկրվող ապրանքների ինքնարժեքի բարձրացմանը` միջինը մեկ բեռնատարի պարագայում 110-120 դոլարի չափով: Այս մասին հայտարարել է Հայաստանի արդյունաբերողների և գործարարների միության նախագահ Արսեն Ղազարյանը:

ՌԴ-ում ՀՀ դեսպանությունում ՀՀ առևտրային ներկայացուցիչ Կարեն Ասոյանը խիստ չափազանցված է համարում իր հայաստանցի գործընկերոջ հաշվարկները:

“Հայկական ապրանքի յուրաքանչյուր կիլոգրամի ինքնարժեքը կբարձրանա միայն մի քանի կոպեկով, ինչը ծայրահեղ չէ Հայաստանի և Ռուսաստանի միջև առևտրաշրջանառության պարագայում”, — RUSARMINFO-ի հետ զրույցում ասել է Կարեն Ասոյանը:

“Ռուսաստանի դաշնային մայրուղիներով Հայաստանից բեռնատարերը միջինը մոտ մեկ ու կես հազար կիլոմետր են անցնում, բազմապատկելով կիլոմետրերը սահմանված հարկի չափով (1,53 ռուբլի- խմբ.)` կստանանք մոտ 2,400 ռուբլի: Երկու ուղղությամբ այն կկազմի 5000 հազ. ռուբլի: Ըստ դոլարի ներկայիս փոխարժեքի` դա մոտ 75 դոլար է: Եթե նկատենք, որ մեկ բեռնատար մեքենան միջինը տեղափոխում է 20 հազ. տոննա ապրանք, ապա մեկ կիլոգրամի արժեքը կաճի 11-12 կոպեկով”, — նշել է ՌԴ-ում ՀՀ առևտրային ներկայացուցիչը:

Հիշեցնենք, որ համաձայն սահմանված դաշնային հարկի, յուրաքանչյուր անցած կիլոմետրի համար բեռնատարը պարտավոր է վճարել 1, 53 ռուբլի: Վճարի անտեսման դեպքում, տուգանքը կգանձվի բեռնատարի վարորդից` միանգամյա խախտման դեպքում 450 հազ. ռուբլիի չափով, իսկ հետագայում` մեկ միլիոն ռուբլիի չափով:

Смотрите также

Փորձագետ. «Աշխարհի բոլոր քրիստոնյաները պետք է արձագանքեն Էրդողանի որոշմանը՝ վերածելու Սուրբ Սոֆիայի տաճարը մզկիթի»

Թուրքիայի ԱԳ նախարարությունը տարածել է հայտարարություն՝ ի պատասխան Հունաստանի քննադատությանը Ստամբուլի Սուրբ Սոֆիայի տաճարը մզկիթի …