«Տաշիր» ընկերությունը ստեղծում է մթերային խանութների ցանց` «Ферма.рф» բրենդի ներքո, այս մասին հաղորդում է ընկերության մամլո ծառայությունը: Երկու խանութ արդեն բացվել է Մոսկվայում, նրանցից մեկը Սևաստապոլսկի պողոտայի վրա գտնվող «Рио» առևտրի կենտրոնում, իսկ մյուսը` Դմիտրովի մայրուղու վրա: Նոր ցանցի նպատակն է սատարել ռուսաստանյան արտադրողին: Խանութները հնարավորություն կընձեռեն ֆերմերային տնտեսություններին սեփական արտադրանքն իրացնել այս խանութներում, իսկ սպառողներին երաշխավորվում է բարձր որակի, էկոլոգիապես մաքուր և առողջարար սնունդ:
Ցանցի ապրանքատեսականին ներառում է կաթնամթերք, մսամթերք և ձկնեղեն,ինչպես նաև ըմպելիքներ, մոտ 600 ապրանքատեսակ: Նշենք, որ հաջորդ տարվա ընթացքում «Տաշիր» ընկերությունը մտադիր էընդլայնել «Ферма.рф» խանութների աշխարհագրությունը` հասցնելով դրանց թիվը 15ի:Ընկերության նոր ցանցը ներկայացված կլինի ինչպես մանրխանութների, այնպես էլ խոշոր մարկետների տարբերակով: