Rusarminfo Российско-Армянское информационное агентство
Twitter-ի իր էջում Քիմ Քարդաշյանը տեղադրել է կարճ հոլովակ` նկարահանված Հայաստան կատարած իր այցի շրջանակում: Տեսանյութում Քիմն ու Քլոյին այցելում են Ծիծեռնակաբերդի Հայոց ցեղասպանության զոհերի հուշահամալիր: Հայաստանի մասին հոլովակը EOnlin հեռուստաալիքով հեռարձակվող Keeping Up with Kardahsians հեռուստաշոուի Հայաստան այցելության մասին պատմող չորս մասերից մեկն է: Նոր հոլովակը մեծ իրարանցում է առաջացրել համացանցում` Քարդաշյանների երկրպագուների շրջանում:
Հիշեցնենք, որ Քիմ Քարդաշյանի այցը Հայաստան 2015-ի ապրիլին հայտնվեց թուրքական ԶԼՄ-ների կիզակետում: Այս հարցի շուրջ Թուրքիայի հասարակական կարծիքը մասնատվել է. մարդկանց մի մասը չի հասկանում, թե ինչու է թուրքական լրատվամիջոցների ուշադրության կենտրոնում շարունակ գտնվում Քարդաշյանը, իսկ մյուսները մեղադրում են իշխող Արդարություն և զարգացում կուսակցությանը անհեռատես լինելու մեջ: Այսպես, «Haberler» կայքի ընթերցողներից մեկը գրել է, որ չի զարմանա, եթե թուրքական իշխանությունները Քիմ Քարդաշյանին առաջարկեն պատգամավորական աթոռ: «Van Golu» ծածկանունով մի ընթերցող էլ նշել է, որ եթե Հայաստանը ճիշտ օգտագործի Քարդաշյանի ջանքերն, ապա արագ կհայտնվի աշխարհի տնտեսապես ամենահաջող երկրների ցուցակում:
