Armenia Futura: Հայաստանի ապագան մեկ քլիքով — Rusarminfo
Вторник , Август 22 2017
ВАЖНОЕ
Главная / Նորություններ / Armenia Futura: Հայաստանի ապագան մեկ քլիքով

Armenia Futura: Հայաստանի ապագան մեկ քլիքով

Մեկ ընդհանուր հարթակ` միավորելով մոլորակի տարբեր անկյուններում բնակվող հայերի բարեգործական և սոցիալական նախաձեռնությունները… Ահա այսպիսի նպատակ է հետապնդում Armenia Futura foundation-ը:

Գաղափարի հեղինակների նպատակն է առավելագույնս պարզ ճանապարհով բավարարել 10 միլիոնը գերազանցող աշխարհասփյուռ հայությունից յուրաքանչյուրի ցանկությունը սեփական ներդրումն ունենալու հայկական երկու պետության` Հայաստանի և Արցախի զարգացման գործում:

Բարեգործության ժամանակակից համակարգը հայ իրականության մեջ ենթադրում է, որ որևէ մեկը տրամադրում է հսկայական գումար այս կամ այն նախագծի իրականացման համար: Այս իրավիճակում հայերի մեծ մասը, որը ցանկանում է օգնել Հայրենիքին իր առավել հարուստ հայրենակիցներից ոչ պակաս, զուրկ է անգամ իրեն հոգեհարազատ նախագծի իրականացման գործին մեկ դոլար հանգանակելու հնարավորությունից: Armenia Futura foundation-ը ստեղծում է հենց այդպիսի հարթակ: Հիմնադրամի կայքում միաժամանակ ներկայացված են տարբեր կազմակերպությունների և անհատների կողմից իրականացվող բարեգործական նախաձեռնությունները, որոնց կյանքի կոչման համար յուրաքանչյուրը` անկախ իր բնակության վայրից, կարող է անմիջականորեն փոխանցել մեկ դոլարից մինչև անսահմանություն հասնող գումար: Հիմնադրամի կարևոր առանձնահատկությունը փոխհաղորդակցության տարբեր միջոցներն են: Armenia Futura foundation-ը, ըստ էության, սոցիալական ցանց է, որի անդամներին համախմբում է մեկ նպատակ` միմյանց իրազեկ պահելով կամ առանձին-առանձին ընտրել սեփական մասնակցության չափը կոնկրետ նախագծի իրագործման համար:

Ներկայումս Armenia Futura foundation-ի թիմն աշխատում է դրամական միջոցների փոխանցման համակարգի դյուրացման ուղղությամբ, որի նպատակն է` ստեղծել մի համակարգ, որը թույլ կտա յուրաքանչյուր բարերարի մեկ քլիքով փոխանցել գումար: Ընդ որում, հանգանակողները կարող են կայքում տեսնել բոլոր նախագծերը, անհրաժեշտ գումարն ու արդեն իսկ հավաքված միջոցների չափը: Օնլայն հարթակի ստեղծումը թևակոխվել է եզրափակիչ փուլ, որի ընթացքում դրա նախաձեռնողները նախատեսել են հանգանակողի պրեմիում կարգի պրոֆայլի տրամադրման հնարավորություն` համահիմնադրի կարգավիճակով:

Ներկա պահին Armenia Futura foundation հիմնադրամին միանալու ցանկություն են հայտնել 10 հիմնադրամ և 50 թեմատիկ նախագիծ` կրթության և գիտության, պատմական ժառանգության, շրջակա միջավայրի պաշտպանության, ինչպես նաև ոչ բարենպաստ պայմաններում ապրողների աջակցության բնագավառներում:

Armenia Futura foundation-ի մեկնարկը նախատեսված է 2015թ.-ի աշնան առաջին ամսին:

Смотрите также

Փորձագետ. «Աշխարհի բոլոր քրիստոնյաները պետք է արձագանքեն Էրդողանի որոշմանը՝ վերածելու Սուրբ Սոֆիայի տաճարը մզկիթի»

Թուրքիայի ԱԳ նախարարությունը տարածել է հայտարարություն՝ ի պատասխան Հունաստանի քննադատությանը Ստամբուլի Սուրբ Սոֆիայի տաճարը մզկիթի …

ADISORD DESIGN