Пятница , 29 марта 2024
amru
Главная / Без рубрики / ՌԴ ՊՆ. Թուրքիան ԻՊ-ից տարեկան 2 մլրդ դոլարի նավթ է գնում

ՌԴ ՊՆ. Թուրքիան ԻՊ-ից տարեկան 2 մլրդ դոլարի նավթ է գնում

ՌԴ պաշտպանության նախարարությունը լրագրողների հետ ճեպազրույցիժամանակ ներկայացրել է ապացույցներ «Իսլամական պետության» կողմից վարվող նավթային բիզնեսում Թուրքիայի և անձամբ նախագահ Էրդողանի  ներգրավվածության մասին:

«Ռուսաստանն ունի «անհերքելի փաստեր» ՌԴ տարածքում արգելված «Իսլամական պետություն» կազմակերպության վերահսկողության տակ գտնվող տարածքներից նավթի տեղափոխման գործընթացում Թուրքիայի ներգրավվածության մասին», — հայտարարել է ՌԴ ԶՈՒ-ի Գլխավոր շտաբի գլխավոր օպերատիվ վարչության ղեկավար Սերգեյ Ռուդսկոյը:

Նախարարության տվյալներով, այդ ապօրինի բիզնեսի մեջ ներգրավված է Թուրքիայի բարձրաստիճան քաղաքական ղեկավարությունը, նախագահ Էրդողանն ու իր ընտանիքը:

Ռուդսկին պատմել է նաև, որ «Իսլամական պետության» վերահսկողության տակ գտնվող տարածքներից Թուրքիա նավթի տեղափոխման համար օգտագործվում է երեք ճանապարհ: Որպես ասվածին ապացույց ՌԴ ՊՆ-ն ներկայացրել է տիեզերքից արված լուսանկարներ, որոնցում պատկերված է Թուրքիա նավթ տեղափոխող բեռնատարերի շարասյունը: Մեքենաները վերադարձին տեղափոխում են մարտիկների համար ռազմատեխնիկա:

Ռուդսկին նշել է նաև, որ նախկինում անօրինական նավթի վաճառքից «Իսլամական պետության» եկամուտը կազմում էր 3 մլն դոլար, ներկայումս այդ եկամուտը նվազել է մինչև 1,5 մլն դոլարի, (շնորհիվ ԻՊ-ի ենթակառուցվածքների ուղղությամբ ռուսաստանյան ավիացիայի կողմից հասցված հարվածների): Բացի այդ, ռազմական գերատեսչության տվյալներով, ԻԼԻՊ-ը նավթի վաճառքի մեջ գործի է դրել ավելի քան 8,5 հազար ավտոցիստեռն: Դրանցով օրական տեղափոխվում է մինչև 200 հազ. տոննա սև ոսկի:

Նշենք, որ երկու ամսվա ընթացքում ռուսական ավիացիայի կողմից հասցված հարվածների շնորհիվ Սիրիայում ոչնչացվել է 32 նավթավերամշակող համակարգ, 11 նավթավերամշակող գործարան, 22 նավթի մղման կայան և 1080 նավթ փոխադրող ավտոցիստեռն:

 

Добавить комментарий

Смотрите также

Alexander Gusyev: “Iran is building a road through Azerbaijan because of Armenian leadership’s indifference»

The draft plan on the new transit route, connecting Iran’s southern port of Bandar Abbas …