Rusarminfo Российско-Армянское информационное агентство
Հայաստանում գործող կապի օպերատորները համաձայնել են հանրապետության Քննչական կոմիտեին էլեկտրոնային տարբերակով տրամադրել բաժանորդների տվյալներն ու հեռախոսազանգերի ձայնագրությունները: ՔԿ-ի և կապի օպերատորներն իրենց համատեղ նախաձեռնություններն ամրագրել են փոխըմբռնման հուշագրի տեսքով: Հայաստանի ՔԿ-ի մամլո ծառայությունից հայտնում նաև, որ կապի օպերատորները դատարանի որոշման հիման վրա նախկինում ևս տրամադրում էին անհրաժեշտ տվյալներ, բայց հստակ կանոնակարգի բացակայության պատճառով այդ գործընթացը շատ ժամանակ էր խլում և երկարաձգում քննությանը:
Նշենք, որ ծրագիրը փորձարարական տարբերակով իրականացվել է Հայաստանի Շիրակի մարզում: Ելնելով համագործակցության փորձից` անհրաժեշտ տեղեկատվությունը քննչական մարմիններ է փոխանցվել 1-4 օրերի ընթացքում: Հաջողության դեպքում ծրագիրը կիրականացվի ողջ Հայաստանի տարածքում:
