Четверг , 28 марта 2024
amru
Главная / Без рубрики / Արդյոք իրատեսական է «ԱՄՆ ստվերային Հետախուզական վարչության» զեկույցը Հարավային Կովկասի ապագայի վերաբերյալ

Արդյոք իրատեսական է «ԱՄՆ ստվերային Հետախուզական վարչության» զեկույցը Հարավային Կովկասի ապագայի վերաբերյալ

Ամերիկյան Stratfor հետախուզական-վերլուծական ընկերության հրապարակած զեկույցում կանխատեսվում է, որ Ուկրաինայից հետո Ռուսաստանի և Արևմուտքի միջև առճակատումը կտեղափոխվի Հարավկովկասյան երկրներ` Հայաստան, Վրաստան և Ադրբեջան:

Զեկույցի հեղինակները կարծում են, որ վրաց-օսական հակամարտությունից հետո Ռուսաստանն ամրապնդել է իր ռազմական ներկայությունը Հայաստանումև քաղաքականն ու տնտեսականը տարածաշրջանում: Այդուհանդերձ, չնայած այս իրավիճակին, Արևմուտքը մտադիր չէ ձեռքերը ծալած նստել և նպատակահարմար իրավիճակում ձգտելու է նպաստել արևմտամետ ուժերի իշխանության գալուն:

Ռազմավարական կոնյուկտուրայի կենտրոնի տնօրեն Իվան Կոնովալովը RUSARMINFO-ի հետ զրույցում կասկածանք է հայտնել Stratfor-ի կանխատեսման իրատեսականության շուրջ:

«Ներկայումս Ռուսաստաի և Արևմուտքի միջև դժվար թե առճակատում լինի Հարավային Կովկասում: Նրանց միջև ընդհարումն արդեն իսկ տեղի է ունեցել վրաց-օսական պատերազմի ժամանակ, և Արևմուտքը կրել է պարտություն », — կարծում է փորձագետը:

Ըստ նրա, Հարավային Կովկասում գոյություն ունեն լարվածության կենտրոններ, բայց Ռուսաստանի դեմ առճակատման դուրս գալու համար Արևմուտքը պետք է միասնական լինի: Հարավային Կովկասի պարագայում Արևմուտքը չունի այդ միասնությունը, որն առկա է Ուկրաինայի հարցում:

«Արևմուտքը պարբերաբար փորձում է վատթարացնել Հարավկովկասյան պետությունների հարաբերությունները Ռուսաստանի հետ, և միակ երկիրը, որը ենթարկվեց Արևմուտքին, Վրաստանն է: Հայաստանը` Ռուսաստանի ռազմավարական գործընկերը, չի գնա Ռուսաստանի դեմ: Ադրբեջանը, ինչպես և ժամանակին Ուկրաինան, խաղում է Ռուսաստանի և Արևմուտքի միջև առկա հակասություններից ելնելով, բայց, ինչպես հայտնի է, Ուկրաինան «վատ ավարտ ունեցավ»»,- նշել է Կոնովալովը:

Փորձագետն, ընդհանուր առմամբ, նշում է, որ Հարավկովկասյան տարածաշրջանը կարևոր է Արևմուտքի համար, այդ իսկ պատճառով Մոսկվային այս տարածաշրջանից դուրս մղելու փորձերը պետք չէ բացառել: «Բայց, ինչպես ասում են, ցանկանալը վնասակար չէ», — կարծում է փորձագետը:

Strategic Forecasting Inc. (Stratfor) – ամերիկյան մասնավոր հետախուզական-վերլուծական ընկերություն: Այն հայտնի է որպես «ստվերային ԿՀՎ»: Հիմնադրվել է 1996թ.-ին ամերիկյան քաղաքագետ Ջորջ Ֆրիդմանի կողմից, ով մինչև օրս գլխավորում է այն: Ընկերությունը զբաղվում է աշխարհում տեղի ունեցող իրադարձությունների շուրջ տեղեկատվության հավաքագրմամբ և վերլուծությամբ: Տեղեկատվությունը ստացվում է ինչպես ԶԼՄ-ներից և բաց աղբյուրներից, այնպես էլ ընկերության սեփական աղբյուրներից: Հավաքագրված տվյալների հիման վրա ընկերության վերլուծաբանները պատրաստում են տնտեսական և աշխարհաքաղաքական կանխատեսումներ:

Добавить комментарий

Смотрите также

Alexander Gusyev: “Iran is building a road through Azerbaijan because of Armenian leadership’s indifference»

The draft plan on the new transit route, connecting Iran’s southern port of Bandar Abbas …