Ապրիլի 30-ին ռուսական էստրադայի արքա Ֆիլիպ Կիրկորովը նշում է իր ծննդյան օրը: Արտիստն այսօր դարձավ 54 տարեկան:
Ռուսական «Արգումենտի ի ֆակտի» հրատարակությունը Կիրկորովի ծննդյան օրն ընդգրկել է օրվա նշանակալի տարեթվերի շարքում, անդրադառնալով նկարչի ծագմանը:
«Ֆիլիպ Բեդրոսովիչ Կիրկորով, ռուս երգիչ: Ծնվել է Բուլղարիայում՝ հայի (Կիրկորյան) և ռուսի ընտանիքում: Նրա դուստրը՝ Ալլա-Վիկտորիան և որդին՝ Մարտին Քրիստին ծնվել են ԱՄՆ – ում, փոխնակ մորից»,- գրում է կայքը:
2018-ին, Gazlive հաղորդման ժամանակ, Ֆիլիպ Կիրկորովին հարցրել են՝ ինչու՞ չի ընդունում, որ ինքը հայ է: Արտիստը պատասխանել է, որ երաժշտության մեջ մարդու ազգությունը նշանակություն չունի։ Ֆիլիպի հայրը ՝ օպերային երգիչ Բեդրոս Կիրկորովը, չի ժխտում իր հայկական ծագումը:
Ինչպես ամեն տարի, Ֆիլիպ Կիրկորովն այսօր ևս բազմաթիվ շնորհավորանքներ է ստացել ռուսական էստրադայի աստղերից ու երկրպագուներից: Այսպես՝ Նիկոլայ Բասկովը խոստովանել է, որ ինքն այդպես էլ չի կարողացել հասնել Կիրկորովի ժողովրդականությանը, իսկ պրոդյուսեր Իոսիֆ Պրիգոժինը Կիրկորովին մաղթել է ստեղծագործական անսպառ լիցք, անվանելով նրան աշխարհի ամենաանդադար երգիչը:
Ավելի վաղ ՌՈՒՍԱՐՄԻՆՖՈՆ պատմել է Ֆիլիպ Կիրկորովի հայ ոճաբան Արսեն Հայրապետովի մասին: