Հայաստանի հարավում այսօր առավոտից լարված իրավիճակ է եղել։ Դա պայմանավորված է եղել վարչապետ Փաշինյանի՝ Սյունիքի մարզ կատարած այցով։
Ագարակ քաղաքում, մի խումբ մարդիկ վարչապետին դիմավորել են վիրավորական բացականչություններով և պահանջել են, որ նա անմիջապես հեռանա իրենց քաղաքից:
Երեկ երեկոյան Նիկոլ Փաշինյանն անսպասելի մեկնել էր Սյունիք։ Մամուլում տեղեկություններ էին տարածվել, որ նա այցելել է Շուռնուխ գյուղ, որը 44-օրյա պատերազմից հետո սահմանային բնակավայր է դարձել:
Վարչապետի՝ Սյունիք կատարած այցից մեկ օր առաջ անսպասելիորեն պաշտոնանկ են արվել մարզային ոստիկանության պետը, նրա տեղակալը, Գորիսի և Կապանի ոստիկանապետերը։
Ավելի վաղ ՌՈՒՍԱՐՄԻՆՖՈՆ հայտնել էր, որ վարչապետը տվյալներ է հայտնել 44-օրյա պատերազմի զոհերի ճշգրիտ թվի մասին: