Բելառուսի շինարարության և ճարտարապետության նախարարության մամուլի խոսնակ Վադիմ Կրիվեցկին հայտարարել է Արցախի Ադրբեջանի վերահսկողության տակ անցած տարածքներում գյուղատնտեսական ավաններ կառուցելու մտադրության մասին:
Նշվում է, որ այդ որոշումն ընդունվել է Բելառուսի նախագահ Ալեքսանդր Լուկաշենկոյի Ադրբեջան կատարած այցի արդյունքում:
«Այս թեման շատ է հետաքրքրել մեր գործընկերներին։ Եվ մեր գյուղատնտեսական ավանների նմանությամբ նախատեսվում է այդպիսիք կառուցել նաև Լեռնային Ղարաբաղում։ Խոսքն ընդհանուր առմամբ ամբողջ ենթակառուցվածքների վերականգնման մասին է»,- ասել է Կրիվեցկին «OHT» հեռուստաալիքին տված հարցազրույցում։
Կրիվեցկին նաև հայտնել է, որ ներկա պահին շինարարության մեկնարկի կոնկրետ ժամկետներ չկան. նախագիծը քննարկման փուլում է:
Ավելի վաղ ՌՈՒՍԱՐՄԻՆՖՈՆ հայտնել էր, որ Բելառուսի նախագահը Բաքվում պատրաստակամություն է հայտնել աջակցել Արցախիպատերազմի արդյունքում ադրբեջանական վերահսկողության տակ անցած տարածքների վերականգնմանը: