Թուրքական և ադրբեջանական ԶԼՄ-ներում և սոցցանցերում «ATV» հեռուստաընկերության ցուցադրած թուրքական հայտնի հեռուստասերիալի շուրջ ծագած սկանդալը թափ է հավաքում:
«Ermenihaber»-ը տեղեկացնում է, որ ֆիլմաշարի վերջին սերիայում ցուցադրվել է տարածաշրջանի քարտեզը, որտեղ Արցախը և Ադրբեջանը ներառված են եղել Հայաստանի կազմում:
Չնայած սերիալը ցուցադրող «ATV» հեռուստաընկերության հասցեին արված խիստ քննադատությանը, ոչ հեռուստաընկերության ղեկավարությունը, ոչ էլ սերիալի արտադրողները չեն մեկնաբանել միջադեպը:
Ավելի վաղ ՌՈՒՍԱՐՄԻՆՖՈՆ հայտնել էր, որ պատմական քարտեզներում առկա հայկական տեղանունները զայրացրել են Ադրբեջանի նախագահին: