Rusarminfo Российско-Армянское информационное агентство
Համաշխարհային ճանաչում ունեցող գեղասահքի հայ մարզիչ (ռուսաստանցի եւ ամերիկացի) Ռաֆայել Հարությունյանը, որպես խորհրդատու, մասնակցելու է ռուս գեղասահորդուհի Ալեքսանդրա Տրուսովայի մարզումներին, որը տեղափոխվել է օլիմպիական կրկնակի չեմպիոն Եվգենի Պլյուշչենկոյի թիմ:
Ռուսական «Սպորտ Էքսպրեսը» հայտնում է, որ Եվգենի Պլյուշչենկոն պայմանավորվել է համագործակցել Հարությունյանի հետ, որը նախկինում աշխատել է Միացյալ Նահանգներում:
ԽՍՀՄ վաստակավոր մարզիչ Տատյանա Տարասովան դրական է գնահատել Տրուսովայի հետ Հարությունյանի համագործակցության հեռանկարները, նշելով, որ արդյունքում երիտասարդ գեղասահորդուհին ավելի մեծ շանսեր կունենա նախանշված արդյունքներին հասնելու համար:
Ռաֆայել Հարությունյանի ամենատիտղոսակիր սաներից մեկն այսօր աշխարհի եռակի չեմպիոն, ամերիկացի Նեյթան Չենն է:
Ավելի վաղ ՌՈՒՍԱՐՄԻՆՖՈՆ հրապարակել էր Ռաֆայել Հարությունյանի հաջողության պատմությունը:
