Thursday , June 30 2022
amru
Home / Էքսկլյուզիվ / Հայաստանի հյուսիսում հավկիթի մեծության կարկուտ է տեղացել Տեսանյութ

Հայաստանի հյուսիսում հավկիթի մեծության կարկուտ է տեղացել Տեսանյութ

Հունիսի 1-ին ժամը 15-16-ի միջակայքում Հայաստանի Հանրապետության որոշ հատվածներում ուժին կարկուտ է տեղացել։ Սպիտակի տարածաշրջանի Լեռնանցք գյուղում կարկտահատիկները եղել են մինչև հավկիթի մեծության։

Լեռնանցք գյուղի բնակիչներից մեկը համացանցում լուսանկար է հրապարակել, որտեղ երևում է կարկտահատիկների մեծությունը։ Նա նաև նշել է, որ կարկուտը լուրջ վնասներ է պատճառել գյուղի ցանքատարածություններին ու այգիներին։

Այսօրվա կարկտահարությանը ՌՈՒՍԱՐՄԻՆՖՈ-ի թղթակցի հետ զրույցում անդրադարձել է նաև ՇՄՆ հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը։

«Մենք գտնվում ենք Սև ծովից ներթափանցած ցիկլոնի ազդեցության գոտում։ Մասնավորապես՝ Լոռու մարզի մի շարք հատվածներում, Գեղարքունիքի մարզի Սեմյոնովկայի հատվածում, Արագածի հարավային լեռնալանջերին կարկտահարություններ են եղել, ինչը պայմանավորված է ցիկլոնի գործունեության հետ։ Այդ հատվածներում կարկուտը այնքան խոշոր չի եղել, ինչպես Սպիտակում, սակայն Ստեփանավանում և Սեմյոնովկայում կարկտահատիկի տրամագիծը հասել է 2 սմ-ի, որը նույնպես համարվում է խոշոր կարկուտ», – ասել է Սուրենյանը։

Անդրադառնալով առաջիկա օրերի եղանակին, Սուրենյանն ասել է, որ հունիսի 4-ից աստիճանաբար եղանակը կկայունանա, որվհետև արևադարձային տաք օդային հոսանքներ են թափանցում հանրապետություն ։

Նա ասել է նաև, որ օդի ջերմաստիճանը կբարձրանա 5-6 աստիճանով, իսկ տեղումների հավանականությունը կտրուկ կնվազի։

Ավելի վաղ ՌՈՒՍԱՐՄԻՆՖՈՆ հայտնել էր, որ 2022 թվականի մարտը Հայաստանում նշանավորվել է աննախադեպ ձյան տեղումներով։

Մանրամասները տեսանյութում։

Leave a Reply

Կարդացեք նաև

Արցախի արտգործնախարար․ Հայկական սկզբունքը ստիպեց Միշելին ու Կլաարին մտափոխվել Տեսանյութ

Արցախի Հանրապետության արտաքին գործերի նախարար Դավիթ Բաբայանը մեկնաբանել է Հարավային Կովկասում ԵՄ հատուկ ներկայացուցիչ Տոյվո …