Արցախի միջանկյալ կարգավիճակը հաղթանակ կլինի Հայաստանի համար․ քաղաքագետ Տեսանյութ

Քաղաքագետ Արտաշես Խալաթյանը կարծում է, որ Հայաստանի իշխանությունները պետք է հասնեն Մադրիդյան սկզբունքներով նախատեսված Արցախի միջանկյալ կարգավիճակի միջազգային ճանաչմանը։

ՌՈՒՍԱՐՄԻՆՖՈ-ի «Օրը Նվեր Մանացականյանի հետ» հաղորդման եթերում քաղաքագետը նշել է, որ եթե միջանկյալ կարգավիճակ ապահովվի, ապա դա նշանակում է հայկական կողմի կարճաժամկետ հաղթանակ, քանի որ Ստեփանակերտում ընտրված իշխանությունը կհամարվի լեգիտիմ։

Խալաթյանը նշել է, որ Արցախը երբեք Ադրբեջանի մաս չի կազմել, իսկ սահմանազատման և սահմանագծման հարցը պետք է դիտարկել՝ հաշվի առնելով այս հանգամանքը։

Ըստ Խալաթյանի՝ Ադրբեջանի նախագահը շուտով «դեմքը փրկելու» կարիք կունենա, քանի որ զուգահեռաբար ընթանում է երկու գործընթաց՝ Արցախի կարգավիճակի որոշման և Հայաստանի ու Ադրբեջանի սահմանազատման գործընթացը, որը չի ազդելու Արցախի վրա։ Իսկ այս մասին Ադրբեջանի նախագահն ըստ քաղաքագետի՝ լռում է։

Ավելի վաղ ՌՈՒՍԱՐՄԻՆՖՈ-ն հայտնել էր, որ Արցախում նախագահ Արայիկ Հարությունյանի գլխավորությամբ, տեղի է ունեցել կառավարության ընդլայնված կազմով նիստ։

Մանրամասները՝ տեսանյութում։