Քաղաքագետ, ԱՄՆ Լիհայ համալսարանի դասախոս Արման Գրիգորյանը մեկնաբանել է ՀՀ վարչապետ Նիկոլ Փաշինյանի՝ Արցախի կարգավիճակի նշաձողն իջեցնելու մասին հայտարարությունը։
ՌՈՒՍԱՐՄԻՆՖՈ-ի «Օրը Նվեր Մնացականյանի հետ» հաղորդման ժամանակ Գրիգորյանը հայտնել է, որ Արցախի կարգավիճակն Ադրբեջանի կազմում անընդունելի է և մեծ ռիսկեր է պարունակում։
«Անհնար է պատկերացնել, որ տեղի ունեցածից հետո հայերը կարող են խաղաղ ապրել այնտեղ՝ որպես Ադրբեջանի քաղաքացիներ։ Նման սցենարով Արցախում ոչ մի հայ չի մնա»,- ասել է քաղաքագետը։
Գրիգորյանը կարծում է, որ հայկական կողմը պետք է համոզի միջնորդներին, որ եթե հակամարտությունը լուծվի՝ ստիպելով Հայաստանին հրաժարվել Արցախի ինքնորոշման սկզբունքից, դա կբերի Արցախում հայերի էթնիկ զտումների։
Ավելի վաղ ՌՈՒՍԱՐՄԻՆՖՈ-ն հայտնել էր, որ Նիկոլ Փաշինյանը ՌԴ նախագահ Վլադիմիր Պուտինի հետ քննարկել է անվտանգության հարցեր, այդ թվում՝ Արցախի հետ կապված։
Մանրամասները՝ տեսանյութում։