Rusarminfo Российско-Армянское информационное агентство
ԵՊՀ կրոնի պատմության և տեսության ամբիոնի դասախոս Վարդան Խաչատրյանը մեկնաբանել է Հայաստանում Քրիստոսի 33 մետրանոց արձանը տեղադրելու Գագիկ Ծառուկյանի առաջարկի վերաբերյալ քննարկումները։
ՌՈՒՍԱՐՄԻՆՖՈ-ի եթերում «Օրը Նվեր Մնացականյանի հետ» հաղորդման շրջանակներում Խաչատրյանը նշել է, որ հայկական կրոնական ավանդույթում նման նախադեպեր չեն եղել։
«Հավատքն այնպիսի բան է, որի խորհրդանիշների փոփոխությունը կարող է հանգեցնել անկանխատեսելի հետևանքների։ Հայաստանում դարեր շարունակ գոյություն ունեցող խաչքարերի ավանդույթը հսկայական հոգևոր և գաղափարական խորհուրդ է կրում։ Հայաստանում Քրիստոսի արձաններ չկան, դա ավելի շուտ կաթոլիկ ավանդույթ է»,- ընդգծել է աստվածաբանը։
Խաչատրյանն ասել է, որ խաչքարերը խորհրդանշական են հայերի համար. հայերը կարծում էին, որ Քրիստոսի երկրորդ գալստյան ժամանակ նա կտեսնի, որ հայերն են ամենահավատացյալ ազգը։
Ավելի վաղ ՌՈՒՍԱՐՄԻՆՖՈ-ն հայտնել էր, որ Հայ առաքելական եկեղեցու Գերագույն հոգևոր խորհուրդն առաջարկել է Հայաստանում Քրիստոսի արձանի տեղադրման այլընտրանքային տարբերակ։
Մանրամասները՝ տեսանյութում։
