Wednesday , May 25 2022
amru
Home / Էքսկլյուզիվ / Երկու պատճառ կա՝ ինչու են ադրբեջանցիները վերանորոգել գազատարը հայերի համար Տեսանյութ

Երկու պատճառ կա՝ ինչու են ադրբեջանցիները վերանորոգել գազատարը հայերի համար Տեսանյութ

Տարածաշրջանային հարցերով փորձագետ Արմեն Պետրոսյանը կարծիքով՝ հենց այնպես չէ, որ Ադրբեջանը Ռուսաստանի և Թուրքիայի արտգործնախարարներ Սերգեյ Լավրովի և Մևլութ Չավուշօղլուի հանդիպան օրը հայտարարեց Հայաստանից Արցախ գնացող գազատարը վերանորոգելու մասին, որը վնասվել էր 2022 թվականի մարտի 8-ին։

ՌՈՒՍԱՐՄԻՆՖՈ-ի «Օրը Նվեր Մնացականյանի հետ» հաղորդման եթերում Արմեն Պետրոսյանն ասել է, որ գազատարի նորոգման մասին Ադրբեջանի այս հայտարարությանը, ամենայն հավանականությամբ, նախորդել է ինչ-որ «դրական քայլ»։ Թե ինչ քայլի մասին է խոսքը, դեռեևս պարզ չէ, սակայն ըստ մասնագետի՝ շուտով հայտնի կդառնա։

Պետրոսյանը չբացառեց նաև արտաքին ճնշումը Բաքվի վրա՝ ուշադրություն հրավիրելով այն փաստի վրա, որ գազատարի վերականգնմանը նախորդել է ԱՄՆ պետքարտուղար Էնթոնի Բլինկենի և Ադրբեջանի նախագահ Իլհամ Ալիևի հեռախոսազրույցը, ինչը նույնպես կարող էր ազդել գազատարի խնդիրը կարգավորելու վրա։

«Այսինքն՝ փորձ է կատարվել, կամ Ադրբեջանը ինչ-որ խոստում է տվել, կամ նույնիսկ ճնշում է եղել։ Այդ քայլն արվել է հումանիտար ոլորտում, որքան էլ այն նման լինի շանտաժի, այս իրավիճակում, երբ աշխարհի ուշադրությունը կենտրոնացած է մեկ այլ հումանիտար խնդրի՝ Ուկրաինայի իրավիճակի վրա, այլ տեղերում հումանիտար խնդիրներ ստեղծելը սխալ է»,- ասել է փորձագետը։

Ըստ Պետրոսյանի՝ Ադրբեջանի նման միջազգային ինտեգրում ունեցող պետությունները չպետք է արհեստականորեն հումանիտար խնդիրներ ստեղծեն Արցախի համար։

2022 թվականի մարտի 16-ին հայտնի դարձավ, որ ադրբեջանական կողմը սկսել է վերանորոգել վնասված գազատարը՝ մինչ այդ թույլ չտալով ռուս խաղաղապահներին և Արցախի ներկայացուցիչներին վերականգնել գազամատակարարումը։

Ավելի վաղ ՌՈՒՍԱՐՄԻՆՖՈ-ն հայտնել էր, որ Սերգեյ Լավրովի հետ մամուլի ասուլիսի ժամանակ Մևլութ Չավուշօղլուն մեկնաբանել է հայ-թուրքական հարաբերությունների կարգավորման գործընթացը։

Մանրամասները՝ տեսանյութում։

Leave a Reply

Կարդացեք նաև

Բայդենի կողմից Ցեղասպանության ճանաչումը չարդարացրեց ակնկալիքները Տեսանյութ

Ցեղասպանագետ Սուրեն Մանուկյանն անդրադարձել է Հայոց ցեղասպանության 107-րդ տարելիցի առանձնահատկություններին։ Որպես այդպիսին, փորձագետը առանձնացրել է …