Կառավարության փետրվարի 3-ի նիստի ժամանակ ՀՀ վարչապետ Նիկոլ Փաշինյանն անդրադարձել է տարածաշրջանային կոմունիկացիաների բացմանն ու Ռուսաստանի փոխվարչապետ Ալեքսեյ Օվերչուկի այցին Հայաստան:
Նա շնշել է, որ այս այցն ունի կարևոր առաձնահատկություն, քանի որ արդեն կարելի է արձանագրել տարածաշրջանային կոմունիկացիաների բացման եռակողմ աշխատանքային խմբի առաջին գործնական արդյունքները:
«Երեկվա այցն ամբողջությամբ եղել է գործնական և նվիրված է եղել Երասխ-Ջուլֆա-Օրդուբադ-Մեղրի- Հորադիզ երկաթուղային գծի կառուցման աշխատանքներին»,- ասել է Փաշինյանը:
Նա հավելել է նաև, որ երկաթուղու կառուցման համար արդեն ձեռք են բերվել պայամանավորվածություններ, և երկաթուղին Հայաստանի տարածքում պետք է գործի Հայաստանի օրենսդրության շրջանակներում, իսկ Ադրբեջանի տարածքում՝ իրենց օրենսդրության շրջանակներում:
«Օվերչուկի այցն ուղղված էր գործնականացմանը: Մենք արդեն քննարկում ենք տեխնիական առաջադրանքների ձևակերպման հարցերը, նախագծման հարցերը, շինարարության մեկնարկի և ֆինանսավորման հարցերը»,- ասել է վարչապետը:
Նիկոլ Փաշինյանն ասել է, որ եթե աշխատանքները շարունակվեն նման առաջընթացով, կարելի է վստահ լինել, որ երկաթուղու կառուցումը կդառնա առարկայական:
Ավելի վաղ ՌՈՒՍԱՐՄԻՆՖՈ-ն հայտնել էր, որ Փետրվարի 2-ին աշխատանքային այցով Երեւան է ժամանել ՌԴ փոխվարչապետ Ալեքսեյ Օվերչուկը։