ՌՈՒՍԱՐՄԻՆՖՈ-ի եթերում «Օրը Նվեր Մնացականյանի հետ» հաղորդման շրջանակներում քաղաքագետ Կայծ Մինասյանը մեկնաբանել է Արցախի Հանրապետության խորհրդարանի կողմից «Արցախի օկուպացված տարածքների մասին» օրենքի նախագիծ ներկայացնելը։
Ըստ ֆրանսիացի քաղաքագետի՝ ժամանակը պատահական չի ընտրվել. Արցախը համապատասխան հավանություն է ստացել ռուս գործընկերների կողմից նման օրինագիծ նախաձեռնելու համար, ինչը Մոսկվայի պատասխանն էր Անկարային և Բաքվին Կիևին աջակցելու համար։
«Կարծում եմ, որ Արցախի խորհրդարանը կանաչ լույս է ստացել Ռուսաստանից։ Իհարկե, նրանք ունեն իրենց սեփական կամքը, բայց դա բավարար չէ նման որոշում կայացնելու համար»,- ասել է փորձագետը։
Կայծ Մինասյանը հավելել է, որ միջազգային հանրության համար պարզ է դառնում, որ արցախյան հիմնախնդիրը լուծված չէ, և Արցախի կարգավիճակը որոշելու անհրաժեշտություն կա։
Ավելի վաղ ՌՈՒՍԱՐՄԻՆՖՈ-ի եթերում «Օրը Նվեր Մնացականյանի հետ» հաղորդման շրջանակներում քաղաքագետ Կայծ Մինասյանը մեկնաբանել էր Վալերի Պեկրեսի այցը Հայաստան և Արցախ։
Մանրամասները՝ տեսանյութում: