Tuesday , May 24 2022
amru
Home / Լրահոս / Հայկական նոր սարքը հնարավորություն կտա իրականացնել վիրտուալ վիրահատություններ

Հայկական նոր սարքը հնարավորություն կտա իրականացնել վիրտուալ վիրահատություններ

Հայ մասնագետների ջանքերով առաջիկայում կստեղծվի մի սարք, որի օգնությամբ հնարավոր կլինի տարածքային տեղորոշումն իրականացնել առանց GPS-ի:

Հեռակառավարվող ունիվերսալ սարքը, որը դեռևս հատուկ անվանում չունի, իրականացնելու է կարևոր գործառույթներ՝ հեռակառավարում,տվյալների ընդունում և փոխանցում։

Այս մասին «Արմենպրեսին» պատմել են նախագծի ղեկավարները։ Նրանց փոխանցմամբ՝ նախագիծը կոչվում է «Լոկալ տեղորոշման հարթակ»։ Լոկալ, քանի որ տվյալների ընդունումն իրականացվում է առանց GPS-ի։

Սարքը հնարավոր կլինի կիրառել տարբեր ոլորտներում՝ վերականգնողական բժշկություն, ռազմարդյունաբերություն, ռոբոտաշինություն, սարքաշինություն, ուսումնական ծրագրեր, օրինակ՝ VR վիրահատարաններ, որտեղ պրակտիկանտը զգում է վիրտուալ պացիենտի մարմինը, կտրվածքի չափն ու վիրահատական մյուս գործընթացները։

Սարքի օգնությամբ հնարավոր կլինի ճշգրտությամբ իրականացնել տարբեր վերականգնողական կուրսեր և վարժություններ։

Սարքը մշակման փուլում է, փորձարկումներ են անում և մոտ են ավարտին։ Չնայած առաջացել են մի շարք տեխնիկական խնդիրներ, սակայն մասնագետները վստահեցնում են, որ դրանք կլուծվեն, և ծրագիրը պատրաստ կլինի նախանշված ժամկետում՝ մինչև 2022 թվականի մարտ ամիսը։

Ավելի վաղ ՌՈՒՍԱՐՄԻՆՖՈ-ն հայտնել էր, որ Հայաստանում և Արցախում 2022 թվականին կբացվեն ևս 9 ինժեներական լաբորատորիաներ անօդաչու թռչող սարքերի նախագծման համար։

Leave a Reply

Կարդացեք նաև

Թուրքիան վաղուց կհարվածեր Հայաստանին, եթե չլիներ Ցեղասպանության ճանաչման հարցը. Փորձագետ Տեսանյութ

Ցեղասպանագետ Սուրեն Մանուկյանը խոսել է Օսմանյան կայսրությունում 1915 թվականի Հայոց ցեղասպանության միջազգային ճանաչման կարևորության մասին։ …