Sunday , May 22 2022
amru
Home / Լրահոս / Եթե անցկացվեին նախագահական ընտրություններ, ես կհաղթեի․ Նիկոլ Փաշինյան

Եթե անցկացվեին նախագահական ընտրություններ, ես կհաղթեի․ Նիկոլ Փաշինյան

ՀՀ վարչապետ Նիկոլ Փաշինյանը, անդրադառնալով Սահմանադրական բարեփոխումներին, հայտնել է իր տեսակետը, որին կողմ է նաև «Քաղաքացիական պայմանագիր» կուսակցության վարչությունը։

«Իմ համոզմամբ կառավարման համակարգը չպետք է փոխվի։ 2018 թվականի հեղափոխությունից հետո շատ մարդիկ և ուժեր կային, ովքեր իձն համոզում էին՝ եկեք գնանք սահմանադրական փոփոխությունների և վերադառնանք կիսանախագահական կամ ընդհանրապես նախագահական համակարգի։ Սակայն ես ասացի, որ անընդհատ սահմանադրական փոփոխությունների գնալն այդքան էլ լավ բան չէ»,- ասել է Փաշինյանը։

Ըստ նրա՝ 2018 թվականից հետո մեծ հավանականություն կար, որ եթե լիներ նախագահական ընտրություններ ինքը կհաղթեր այդ ընտրություններում, սակայն դեմ է արտահայտվել դրան՝ ասելով, որ պետք է հնարավորություն տալ նոր՝ խորհրդարանական կառավարման համակարգին։

«2020 թվականի նոյեմբերի 9-ից հետո շատ էին հնչում տարբերակներ, որ մեր կառավարման համակարգն է մեր ձախողումների պատճառը և այդ ժամանակ ես կարծում էի, որ լրջորեն պետք է այդ մասին մտածել»,- նշել է վարչապետը։

Նա ավելացրել է նաև՝ երբ ընտրությունների միջոցով հնարավոր եղավ հաղթահարել քաղաքական ճգնաժամը և հաջողվեց ժողովրդավարության չափանիշներին համապատասխան ընտրություններ անցկացնել, պարզ դարձավ, որ կառավարման համակարգի փոփոխություններ անելու անհրաժեշտություն չկա։

Ավելի վաղ ՌՈՒՍԱՐՄԻՆՖՈ-ն հայտնել էր, որ Ազգային ժողովի նախագահ Ալեն Սիմոնյանը հայտարարել է, որ Արմեն Սարգսյանը մեկ շաբաթվա ընթացքում կարող է հետ վերցնել իր հրաժարականի դիմումը։

Leave a Reply

Կարդացեք նաև

Ինչու են հրեաներին ծափահարում զինվելու, իսկ հայերին պացիֆիզմի համար

Այսօր ապրողի ու Մեծ Եղեռնի միջև տարածությունն արդեն 107 տարեկան է, թեև այդ տարածությունը երբեք …